|
Эзэн хичээвэл заяа хичээнэ...
2011-06-12
3в ангийн танилцуулга
Энэ хичээлийн жилд 3в ангийн эцэг эхчүүд анги даасан багштайгаа хамтарч хүүхдүүдийнхээ дунд сэтгэлд хүрэхүйц олон ажлыг явуулж ирлээ.
Үүний нэг нь 3 сард "Эрүүл агаар-Эм" сэдэвт ажил явуулж хүүхдүүдийнхээ дунд чаргаар хэн гулгадаг вэ, олс татах, цасан дээрх сумо тэмцээн явуулж сургач Б.Галбадрах, Э.Ганзориг, Норов-Индра нар түрүүлж эцэг эхийн нэрэмжит шагнал авлаа.
Мөн сурагч Энхжингийн эмээ "Хувцас хэрхэн бүтэдэг вэ?" сэдвээр эцэг эх, сурагчдад үзүүлэх хичээл заалаа. Ангийн нийт эцэг эхчүүд сургалтын таатай орчин бүрдүүлэхэд тусалж сургалтанд зориулсан 6 самбар хийлгэж өглөө.
Эцэг эхчүүд өөрсдийн мэргэжлээ сурталчилсан яриа хийж өгч хүүхдүүдийнхээ хүмүүжилд анхаарал тавьж хэвшиж байна. Жишээ нь: Энхцэцэгийн эгч Японы эрүүл ахуйч, мэргэжилтэн нараар ''Шүдний эрүүл ахуй, шүдээ хэрхэн угааж арчлах талаар" сургалт зохион байгуулсан.
Энэ хичээлийн жилд сурагч Мөнх-Эрдэнэ Кенгру олон улсын математикийн уралдаанаас "мөнгөн" медаль, Энхцэцэг III-р зэргийн диплом, хүүхдийн спорт, урлагийн наадмаас Г.Энхжин бүжгээр хошой "хүрэл" медаль, Д.Булгантамир жудо бөхөөр "мөнгөн" медаль, бүжгээр Номунцог шагналт байранд, А.Анударь талбайн теннисээр хошой хүрэл медаль хүртэж амжилт үзүүллээ.
Сурагч Намунжаргал, Ганжаргал, Билгүүн, Номунцог, Баярмаа, Энхцэцэг, Энхжин нар сургуулийн бүжиг, хөгжмийн ангиудад, Тэмүүлэн, Чингүүн, Дашнамжил нар шатрын ангид амжилттай суралцлаа.
Энэ хичээлийн жилээс япон хэлийг амжилттай сурч эхэллээ.
|
| . Сэтгэгдэл бичих . Найздаа илгээх
|
Сэтгэгдлүүд
|
2011-06-13 - сайн байна уу?